خمسين

بخمسين سألني صديق إذا كنت أعرف أحد لدية مشروب . فلم أستطع أن أقول لا لأن هذا الشخص عزيز على قلبي ولم يطلب مني شئ من قبل. و المشكلة أنني توقفت عن الشراء منذ زمن بعيد لتدني مستوي البياعين و لأرتفاع الأسعار و الجو الغير لطيف للبلد من تفاتيش الشرطة و كلام الناس. وخاصتا أني مقبل علي زواج ومابي اهل العروس يدرون اني أشرب لأنها مصيبة بس لو كنت حرامي وبايق من مال الدولة أو من مال صغارالمستثمرين جن صرت خوش ريال أستهال أخذ بنتهم الشريفة الطاهرة المغسولة بصابون تايد. المهم قمت بالاتصال بصديق أخر يعيش في مرحلة ما بعد مرحلة جني الأرباح من الثورة المالية للبلاد خلال السنوات الأربع الأخيرة و هو شخص محترم وخلوق و ولد ناس بس مشكلتة أنه يحب الدنيا و الحريم فصار يصرف ما في جيبة ليشتري اليخوت و السيارات و الشقق و القصور في انحاء متفرقة من العالم.( يعني مدلع نفسة ) لأنة يعرف أن هذة الفترة من الزمن مؤقتة لذالك قرر الأحتفال لان الانسان يعيش مرة واحدة فطرحت علية الموضوع فقال تعال خذ الي تبي انت واحد من الربع نسيت لما كنا نروح حفلات الفنطاس أيام الجاهلية وأنت تيب معاك نص بطل نشرب منه ونستانس لان حياتنا كانت بسيطة و الناس كانوا ناس . قلت مشكور يالحبيب خيرك سابق بس أنا أبي واحد يبيع لان المشروب مو حقي فأعطاني رقم البياع فقمت بالأتصال فرد شخص عرفت عن نفسي و من قبل من أخذت الرقم فأخبرني أنة على علم بالموضوع وصاحبي أبو دينار وصا علي و سألني جم كرتون ابي . فقلت في نفسي شنو ها التغير المشروب يناع بالجملة مو مثل أول بالحبة أو ثلاثة بأمية فقلت جم الكرتون ؟ قال علشان العم بو دينار 540 واوووو كان قبل سنتين قبل لا ابطل 380 و قبل خمسة سنوات 290 و البطل ينباع في بلاد بره بخمس دنانير وعندنا 45 قلت حق التاجر ابي بطلين. قال بس بطلين نعم بطلين فقال يطلع عليك الحساب 100 دينار انصدمت فقلت ليش الأسعار غالية تدرون شنوا قال التاجر بكل فخر تبي تبي ما تبي كيفك بس مثلك عارف أن المنحة راح تنزل و العيد بعد شهرين و الناس تيمع علشان العيد. قلت والله تمام ليش ماتسون شركة وتنزلونها في البورصة قال يبيله ليش تجار العقار و المواد الغذائية و غيرها من سلع مو احسن منا. قلت مشكور يا الحبيب وبقلبي قلت انشاءالله يصيدك تمساح الجليب هذا ضابط جديد بالمباحث وأتصلت بصديقي وقلت اخذ فلوسك وروح البحرين الكويتية مسويه عروض يوم واحد مع مشروبك ما يكلف 100 دينار..............و له شرايكم